Impulso á creación do Consello Sectorial de Turismo na Xunta de Portavoces

O 6 de marzo de 2014 reuniuse a Xunta de Portavoces dos grupos políticos do pleno de Sober para poñer en marcha a creación do Consello Sectorial de Turismo, aprobado pola corporación a proposta da concelleira non adscrita Paula Vázquez Verao.

Os grupos políticos municipais estamos de acordo nunha proposta consensuada para a creación do organismo, de xeito que sexa operativo e con participación cidadá, partindo da celebración dunha xuntanza previa aberta ás persoas e axentes intereados neste mesmo mes de marzo, de cara a poder levar a creación do Consello de Turismo ao pleno ordinario do 27 de marzo.

* A moción que se presentara para a creación deste Consello Sectorial pode lerse aquí.