no plano LOCAL: SOBER

Historia da Asemblea Nacionalista de Sober

Candidatura en 2007.

A Asemblea Local do BNG de Sober decidiu constituírse en Asemblea Nacionalista de Sober o 28 de febreiro de 2012, na que se podían integrar todas as persoas nacionalistas e de esquerdas de Sober, tanto a xente que cursou baixa do BNG, como as persoas que quedaron na organización ou coma as persoas simpatizantes. Esta asemblea seguiu a funcionar segundo un modelo asembleario, en base a consensos, respectando o pluralismo e onde cada persoa conte, milite onde milite. En setembro de 2012, da Asemblea Nacionalista de Sober xurdiu a Asemblea de Anova de Sober, en activo ata outubro de 2013.

Sempre fomos unha asemblea nacionalista aberta e a nosa prioridade seguen a ser os problemas das maiorías sociais de Sober, e niso seguiremos a traballar.

Traballo municipal

Toda a oposición presentando unha iniciativa.

Continuaremos defendendo o programa electoral polo que nos presentamos ás eleccións municipais de 2011 (consultar aquí), e mantendo a dinámica de respostar ás demandas sociais mediante o diálogo aberto, xuntanzas veciñais, asembleas abertas, etc, nunha asemblea aberta a aquelas persoas soberinas nacionalistas de esquerdas que o desexen.